23 январ куни, Янги-Ангрен ИЭСда цех раҳбари лавозимида ишлаб келган 40 ёшли Сирожиддин Шодиев уйида ўзини осган, бунинг оқибатида вафот этган. Тошкент вилояти ҳокимлиги матбуот хизмати бошлиғи Бехзод Қобулов «Газета.uz»га ушбу хабарни тасдиқлади.

Маълум бўлишича, портлаш айнан у раҳбарлик қиладиган цехда содир бўлган. Марҳум ИЭСда содир бўлган портлаш иши бўйича терговга жалб қилингани айтилмоқда. Ҳозирда марҳумнинг ўзини осишига нима сабаб бўлгани маълум эмас.

Эслатиб ўтамиз, 20 январь куни 11:42да Янги-Ангрен иссиқлик электр станциясининг профилактика чораларини кўриш учун тўхтатилган 5-энергия блокида чанг-кўмирли ҳаво аралашмасининг чақнаши бўлган эди.