Хитой АҚШ собиқ президенти Дональд Трампнинг маъмуриятига кирган 28 нафар АҚШ фуқаросига, шу жумладан АҚШ давлат котиби Майкл Помпеога қарши санкциялар эълон қилди, дея хабар берди «Синьхуа» ахборот агентлиги.
Шунингдек, санкция эълон қилинганлар сафида АҚШ миллий савдо кенгаши директори Питер Наварро, миллий хавфсизлик бўйича АҚШ президенти маслаҳатчиси Роберт О’Брайен ҳам бор.
Санкциялар Пекин изоҳига кўра, «Хитой суверенитетини жиддий равишда бузган» ва Хитой билан боғлиқ масалаларда АҚШ томонининг қарорлари учун жавобгар бўлган сиёсатчиларга нисбатан қўлланилган.
Санкцияларга кўра, ушбу шахсларга, уларнинг оила аъзоларига ва уларга тегишли компания ёки ташкилотларга Хитой, Гонконг ва Макаога кириш ва ХХР билан бизнес қилиш тақиқлаб қўйилади.
Эслатиб ўтамиз, Майкл Помпео баёнотда Хитойнинг уйғурларга нисбатан ҳаракатларини геноцид деб эълон қилган эди.
