«Ювентус» футбол клуби хужумчиси ва Португалия терма жамоаси аъзоси Криштиану Роналду расмий ўйинларда киритилган голлар сони бўйича рекорд ўрнатди.

«Наполи» жамоасига қарши бўлиб ўтган учрашувда у ўз фаолиятидаги 760-голини киритди ва 1950-йилларда тўп сурган футболчи Йозеф Бицаннинг рекордини янгилади.

Роналду фаолияти давомида «Спортинг» клубида 5 гол, «Манчестер Юнайтед»да 118 гол, «Реал» сафида 450 гол ва «Ювентус» сафида 85 гол урган. Шунингдек Португалия терма жамоаси сафида унинг ҳисобида 102 та гол бор.

Эслатиб ўтамиз, аввалроқ Роналду Пеленинг рекордини янгилагани ҳақида хабар берган эдик.