Alibaba асосчиси Жек Ма 20 январда қишлоқдаги ўқитувчиларни қўллаб-қувватлаш дастурининг онлайн-маросимида иштирок этган, дея хабар қилди Forbes. У онлайн видеода хитойлик ўқитувчилар ва таълим тизимини қўллаб-қувватлашга чорлаган.
«Мен ва ҳамкасбларим, биз ўқидик ва фикр юритдик, ўзимизни таълим ва ижтимоий таъминотни ривожлантиришга бағишлашга қатъий қарор қилдик», — деди Жек Ма.
Bloomberg хабарига кўра, Жек Ма иштирокидаги видео жонли эфирда ҳам кўрсатилган. Тадбиркор Хитой ҳукумати билан юзага келган зиддият ҳақида ҳеч нарса демаган. Видео пайдо бўлганидан сўнг Alibaba акцияларининг қиймати дарҳол 6,3% га кўтарилди.
Эслатиб ўтамиз, октябрь ойида Жек Ма ва ҳукумат билан зиддият юзага келгач, у оммага кўриниш бермаётгани ва унинг ғойиб бўлганлиги ҳақида хабарлар тарқала бошлаган эди.
Маълумот учун, Жек Ма октябрь ойида Хитойдаги молиявий тартибга солиш тизимни танқид қилган эди. Шундан сўнг Alibaba компаниясига қарши монополияга қарши тергов-суриштирув иши очилган эди.
