Дональд Трамп 73 кишини афв этди

Дональд Трамп президентлик муддатининг сўнги кунида 73 кишини, жумладан фирибгарликда ва маблағларни ўзлаштиришда айбланган ўзининг собиқ маслаҳатчиси Стивен Бэннонни авф этди. Президент яна 70 киши учун жазони енгиллаштиришга қарор қилди. Илгари ўз компаниясидан ўз-ўзини бошқарадиган машиналар ҳақидаги тижорат маълумотларини ўғирлаб, кейин уни рақибларига топширгани учун қамоқ жазосига маҳкум этилган Google компаниясининг собиқ муҳандиси Энтони Левандовскийга нисбатан ҳам тўлиқ афв қўлланилди. — The White House.

Миср Ташқи ишлар вазирлиги Қатар билан дипломатик алоқалар тикланганини маълум қилди

Расмий Қоҳира ва Доҳа 2017 йил ёзида узилган дипломатик муносабатларни тиклашга келишиб олишди. Бу ҳақда Миср Ташқи ишлар вазирлиги маълум қилди. «Миср Aраб Республикаси ва Қатар Давлати ўртасида расмий меморандумлар алмашилди, унга кўра икки мамлакат дипломатик муносабатларни тиклашга келишиб олишди», — дейилади баёнотда. Бунга 5 январь куни Саудия Aрабистонининг Ал-Ула шаҳрида бўлиб ўтган Форс кўрфази Aраб давлатлари ҳамкорлик кенгашинин саммитидаг Aраб монархиялари ва Миср ўртасида Доҳа билан барча келишмовчиликларга барҳам бериш, у билан тўлақонли дипломатик муносабатларни тиклаш ва қайта бошлаш тўғрисида битим имзоланганлиги сабаб бўлди. 12 январь куни Миср фуқаро авиацияси вазирлиги Қатар авиациясига ўз ҳаво майдонини очишини эълон қилди. Мамлакатлар ўртасидаги мунтазам алоқа 18 январда тикланди. — Миср Ташқи ишлар вазирлигининг Facebook’даги саҳифаси.

Япония бош вазири давлат суверенитети Курил жанубига ҳам тарқалишини таъкидлади

Япония Курил оролларининг бутун жанубий қисмини Россия билан музокараларнинг асосий мавзуси деб билишини, ҳамда Япониянинг суверенитети ушбу ҳудудларга тааллуқлигини таъкидлади. «Шимолий ҳудудлар (Курил оролларининг жанубий қисми) — бу бизнинг суверенитетимиз тарқалган ороллар. Бундан ташқари, тинчлик шартномаси бўйича Россия билан музокараларнинг мавзуси — шимолий оролларнинг ҳаммасига эгалик ҳуқуқини аниқлаш. Бу бизнинг ҳукуматимизнинг изчил позицияси», — деди мамлакат бош вазири Ёсихидэ Суга. Шу билан бирга, Суга Япония Курилларнинг жанубий қисмида Россия Федерацияси билан қўшма иқтисодий фаолиятни ривожлантиришни давом эттириш ниятида эканлигини таъкидлади. Унинг гапларига кўра, бундай тадбирлар иккала томоннинг ҳуқуқий позицияларини бузмаслиги керак. — ТАСС.

Италия Pfizer компаниясини судга бермоқчи

Италия ҳукумати COVID-19 коронавирусига қарши вакцина етказиб берилишининг кечикиши муносабати билан Pfizer устидан судга мурожаат қилмоқчи. «Бундай ҳаракатлар яқин бир неча кун ичида бошланиши ҳақида бир овоздан келишиб олинди», — деди пандемияга қарши курашиш бўйича Италия комиссари Доменико Aркури. Унинг сўзларига кўра, Италия бу ҳафта ваъда қилинган вакцина ҳажмининг 29 фоизини олмаган. «Вакцинация кампаниясини, ва албатта биринчи дозани олган кўплаб италияликлар учун секинлаштириш мумкин эмас», — деди у. — Интерфакс.

Исроил Pfizer вакцинасини шубҳа остига қўйди

Исроил Pfizer вакцинасининг даъво қилинган самарадорлигини шубҳа остига қўйди. Бу ҳақда коронавирусга қарши кураш бўйича миллий дастур координатори, профессор Нахман Aш айтди. Унинг таъкидлашича, 12,4 мингдан ортиқ исроилликлар эмлашнинг биринчи дозасини олганларидан кейин ҳам коронавирус билан касалланган. Уларнинг орасида иккинчи инъекцияни олган камида 69 нафари касалликни юқтирган. Аш бу дори вируснинг янги турларидан ҳимоя қила олмаслиги ҳақида огоҳлантирди. Таъкидланишича, шу пайтгача 2 млндан ортиқ исроилликлар биринчи дозани, 400 минг киши иккинчи дозани олган. — The Times of Israel.