Нидерландия ҳукумати бола парвариши бўйича нафақалар билан боғлиқ можаро туфайли истеъфога чиқди.
Ўтган йили мамлакат солиқ идораси 26 минг оилани фирибгарлик йўли билан нафақа олиш учун мурожаат қилганликда айблаб, 2012 йилдан бери ажратилган пулни қайтариб беришни талаб қилган.
10 мингга яқин оила баъзи ҳолларда ўн минглаб еврони қайтариши керак эди, бу эса ишсизлик, уй-жойни йўқотиш, ажрашиш ва бошқа муаммоларга олиб келди.
Бундан ташқари, солиқ идораси камида 11 минг киши этник келиб чиқиши ёки икки фуқаролиги сабабли махсус текширувлардан ўтказилганлигини тан олди ва бу ҳокимият томонидан ирқчилик айбловларини келтириб чиқарди.
Бош вазир Марк Рютте ҳукуматнинг хатти-ҳаракатлари ушбу иш давомида стандартларга мос келмаслигини тан олди.
Истеъфо 17 мартга режалаштирилган сайловлар арафасида бўлиб ўтди. Унгача Марк Рюттенинг офиси вақтинча ишлайди.
