Крипто-валюталарни статистик тадқиқ қилиш билан шуғулланадиган Chainalysis компаниясининг маълумотларига кўра, мавжуд бўлган биткоинлар эгаларининг тахминан 20 фоизи ўз ҳамёнларига киришолмаяпти. Ҳозирги курс бўйича бу тахминан 140 млрд долларни ташкил этади. Бу ҳақда The New York Times ёзмоқда.

Сан-Францисколик дастурчи Стефан Томас ҳам ўз ҳамёнига қўйилган калит сўзни унутиб қўйди. Унинг ҳисобида 7 минг биткоин ёки 240 млн доллар турибди. 2011 йилда Томас «Биткоин нима?» анимацион видеосини яратган. Бу видеодан завқ олган томошабин унга миннатдорчилик сифатида 7002 биткоин совға қилди.

Ҳозирда Томасда ўнтадан иккита уриниш қолган. Пароль топилмаса биткоинлари йўқолади.

Эслатиб ўтамиз, 16 декабрь куни биткоин нархи илк бор 20 минг доллардан ошган эди. Уч йил олдин, яъни 2017 йил декабрь ойида крипто валюта ушбу белгига яқинлашган эди, аммо бу кўрсаткичдан ўтолмай қулаб тушган.

Жорий йилнинг 8 январь куни биткоин нархи 40 минг доллардан ошди.