10 январь куни қулаган Индонезия Sriwijaya Air компаниясига тегишли Boeing 737−500 йўловчи самолёти кучли турбулентликка дуч келиши натижасида қулаб тушган бўлиши мумкин, дея тахмин қилинмоқда.
Метеорология, иқлим ва геофизика агентлиги вакили Дэни Сэптиадининг маълум қилишича, сунъий йўлдош маълумотларига кўра, 14:40 да Ченкаренгадан (Жакартадан ғарбдаги ҳудуд) 15 км радиусда минус 7 даражали ёмғирли булутлар бўлган. Бу юқори беқарорлик мавжудлигини кўрсатади, самолёт кучли турбулентликка дуч келган бўлиши мумкин.
Самолёт 10 январь куни ҳалокатга учраган. Жакарта аэропортидан ҳавога кўтарилгандан бир неча дақиқа ўтгач, у радар экранидан йўқолган, сўнг Лаки ороли яқинидаги сувга қулаб тушган. Шу билан бирга, Индонезия Қидирув-қутқарув бошқармаси хабар берганидек, самолёт фавқулотда сигнал бермаган.
Авиакомпания маълумотларига кўра, бортда 62 киши бўлган: 56 йўловчи ва олтита экипаж аъзоси.
