ИИВ ЙҲХББ маълумотларига кўра, 11 январь куни соат 07:50ларда ҳайдовчи Б.А. (1999 йилда туғилган) Наманган вилояти, Тўрақўрғон тумани, Кумидон МФЙ ҳудудида жойлашган «Афсона-4» автомобилларга газ қуйиш шохобчасига кириш учун навбатда турган бўлган.
Унинг бошқарувидаги «Дамас» русумли автомобилнинг двигатель қисмидаги электр симларининг қисқа туташуви оқибатида ёнғин юзага келган.
Ёнғин натижасида тан жароҳати олганлар йўқлиги ва ёнғин бартараф этилганлиги айтилмоқда.
Ҳодиса юзасидан Тўрақўрғон тумани ИИБ ЙҲХБ ва ФВБ томонидан суриштирув ишлари олиб борилиб, ёнғин сабабларига аниқлик киритилмоқда.
Олдинроқ, Наманганда газ учун навбатда турган 69 ёшли отахон вафот этганлиги ҳақида хабар берилган эди.
Эслатиб ўтамиз, республиканинг бир қатор вилоятларида автомобилларга газ қуйиш компрессор шоҳобчалари (АГҚШ) чекланган иш режимига ўтказилган эди. Газ қуйиш шохобчалари станциялари вақтинча соат 05:00 дан кечки 15:00 гача ишламоқда.
