АҚШ Конгресси Жо Байденнинг президентлик сайловидаги ғалабасини тасдиқлаш учун Капитолийда йиғилганида Трамп тарафдорлари бинога бостириб кирди. Конгрессменлар эвакуация қилинди.
Отишма содир бўлиб, бир неча намойишчилар жароҳатланди, улардан бири вафот этди, шунингдек бир неча полиция ходими жароҳатланди.
Трамп тарафдорларини учрашувдан олдин Капитолийга келишга ва «заиф республикачиларга ёрдам беришга» чақирган эди. Тартибсизликлардан сўнг уларни тарқалишга чақирди.
Фото: The New York Times
Хавфсизлик кучлари Капитолийни тозалаб, 20 кишини ҳибсга олганларидан сўнг, конгрессменлар бинога қайтишди.
АҚШ Сенатидаги республикачилар етакчиси Макконнелл Сенатни қўрқитиб бўлмаслигини ва сайловлар натижаси маъқулланишини айтди.
Ҳозир Вашингтонда вазият ўз ҳолига қайтган, шаҳарда пайшанба эрталабигача комендантлик соати эълон қилинди.
Вашингтондаги фавқулотда вазият 21 январь соат 15:00га қадар узайтирилди. 21 январь куни Жо Байденнинг президентлик лавозимига киришиш учун инаугурацияси бўлиб ўтади.
