7 январь куни 8 ёшли бола Lacetti автомобилида Тошкент шаҳар, Мирзо Улуғбек тумани, Гёте-5 кўчасидаги (Қорасув 6-мавзеси) Макро супермаркети ичига кириб кетди (видео), дея хабар бермоқда ИИВ ЙҲХББ.
Унинг отаси 1983 йилда туғилган Ж.Ш. 13:50 ларда Макро яқинида тўхтаб, ўт олдиргич калит ва фарзандини қаровсиз қолдириб, супермаркетга кирган.
Машинада ўтирган болакай эса ўт олдиргич калитни бураб юборган ва автомобиль ҳаракатланиб кетган. Натижада автомобиль супермаркет ойнасини синдириб, ичкарига кириб тўхтаган.
Ушбу ҳодиса оқибатида жароҳат олганлар йўқлиги айтилмоқда.
