Урганч шаҳрининг марказий майдони янгидан қурилиши режалаштирилмоқда. Майдон марказида Жалолиддин Мангуберди ҳайкали ўрнатилади, дея хабар берди Хоразм вилояти ҳокимлиги матубот хизмати телерепортажда.
Ал-Хоразмий кўчаси ва майдонинг ҳозирги кўриниши.
Репортажда айтилишича, бу ғоя давлат раҳбарининг ташаббуси бўлиб, бош майдон остидан ўтказилган мамлакатдаги илк туннель бўлади.
Туннель аэропорт ва темир йўл вокзалини боғлаб турувчи Ал-Хоразмий кўчасидан ва Қирғизёп канали остидан ўтади.
Майдон марказида отда ўтирган ҳукмдор Жалолиддин Мангубердининг 25 метрлик катталикдаги ҳайкали ўрнатилади
«Газета.uz» бу жойдан узоқ бўлмаган, Шовот каналининг нариги томонида ўрнатилган Жалолиддин Мангуберди ҳайкали борасида қандай борлигини аниқлай олмади.
Лойиҳа чизмасида, шунингдек, эски почта биноси бурчагидаги эски курантни эслатувчи жой ва ҳозирда қад ростлаган курантлар акс эттирилмаган.
Туннель қурилиши муносабати билан шаҳарнинг бир қатор кўчалари ва чорраҳаларида транспорт ҳаракатини ташкил этиш қайта кўриб чиқилади. Лойиҳани қачонга якунлаш режалаштирилгани ва унинг қиймати қанча бўлиши ҳақида маълумот берилмади.
Эслатиб ўтамиз, 2011 йилда Ал-Хоразмий кўчасининг вилоят ҳокимлиги олдидаги қисми ёпилган ва шу ерда майдон ташкил қилинган эди. Транспорт ҳаракати айланма тарзда ташкил қилинган ва бир томонлама амалга оширилган. 2017 йилда эса ёпиқ йўл қайта тикланган эди.
