23 декабрь куни Хўжанд шаҳрида ўзбек газини ишга туширишнинг рамзий маросими бўлиб ўтди.
«Сўғдиёнгаз» ЁАЖ директори Абдуҳаким Суфиев 60 километрдан ортиқ газ қувури таъмирланганини ва ҳозирда бу йўналишдаги ишлар давом этаётганини таъкидлади.
«Дастлабки босқичда Хўжанд шаҳрининг саноат корхоналари газ билан таъминланади. Ҳозирги вақтда уларнинг ярмидан кўпи муқобил ёқилғига ўтишни эълон қилишди. Келгусида компания аҳолининг тайёрлигига қараб табиий газни босқичма-босқич етказиб бериш ниятида», — деди Абдуҳаким Суфиев.
Хўжанд шаҳрида 150 дан ортиқ саноат корхоналари фаолият кўрсатаётгани ва улардан баъзилари ўн йилдан кўпроқ вақт олдин, табиий газ етказиб берилиши тўхтатилганда, ёқилғининг бошқа турлари — электр энергияси ва кўмирга ўтганлиги таъкидланди.
Ўзбекистондан Тожикистонга газ етказиб бериш 2012 йилда тўхтатилган эди. 2018 йил сентябр ойида Ўзбекистон табиий газ таъминотини тиклади.
