ИИВ ЙҲХББ матбуот хизмати хабар беришига кўра, 29 июнь куни Сирдарё вилояти, Мирзаобод тумани ҳудудида 1954 йилда туғилган Джалалов Собиржан ўзига тегишли бўлган, «Матиз» русумли автомобилда, ҳаракат вақтида хавфсизлик камарини тақмасдан ҳаракатланган. Ҳайдовчи туман ИИБ ЙҲХБ ЙПХ ходими томонидан тўхтатилган ва унга нисбатан қоидабузарлиги юзасидан маъмурий баённома расмийлаштирилган.
Хабарга кўра, фуқаро С.Джалаловга нисбатан тузилган баённома КААТ марказлашган дастурига киритилиши вақтида ушбу фуқаро билан исм-фамилия ва туғилган йили бир хил бўлган, Самарқанд вилоятида яшаган, 1954 йилда туғилган Джалалов Собиржаннинг рўйхатда турган манзили бўйича жазо қўллаш тўғрисидаги жарима қарори чиқарилган.
Самарқанд вилоятида рўйхатда турган фуқарога нисбатан чиқарилган қарор бекор қилинганлиги маълум қилинди.
