Франциянинг Carmat компанияси дунёдаги биринчи тўлақонли сунъий юракни сотишни бошлайди. Бу ҳақда Bloomberg ёзмоқда.
Қурилма юрак етишмовчилигидан азият чекаётган беморлар учун юрак трансплантациясининг ўтиш даври сифатида ишлатилади.
«Carmat сунъий юраги жуда муваффақиятли бўлиши мумкин. 2030 йилга келиб Европада йиллик савдо ҳажми 700 млн еврони ташкил қилиши кутилмоқда», — деди Portzamparc таҳлилчиси Моҳамед Каабуни.
Сотувлар 2021 йилнинг иккинчи чорагида бошланиши мумкин. Компания Европа регуляторларидан керакли рухсатномаларни олди.
Сунъий юракни яратиш бўйича ишлар 27 йил олдин бошланган эди. 1993 йилда кардиожарроҳ Aлен Карпентье ушбу ғояни француз саноатчиси Жан-Люк Лагардерга намойиш этди. Matra аэрокосмик ускуналарини ишлаб чиқарувчи компания эгаси Лагардер Cарпентьега бир нечта лаборатория ва муҳандисларни тақдим этди. Ушбу лойиҳа йиллар давомида ривожланиб борди.
