АҚШнинг янги сайланган президенти Жо Байден душанба куни коронавирусга қарши вакцина билан эмланди. Вакцинация жараёни жонли эфирда намойиш этилди.

CNN хабарига кўра, Нюарк шаҳридаги (Делавэр штати) касалхонада Pfizer ва BioNTech компанияларининг вакцинаси қўлланди.

Жо Байденнинг рафиқаси Жилл ҳам шу куни эмланди. «У уколни яхши кўради, биламан», — дея ҳазиллашди Байден.

«Буни амалга ошириш учун тинимсиз меҳнат қилган олимлар ва тадқиқотчиларга раҳмат. Сиздан жуда қарздормиз», — деб ёзди Байден Твиттерда.

«Америка ҳалқи, ҳавотирга ўрин йўқлигини билинг. Вакцинани олишни имкони бўлса, албатта эмланинг», — дея қўшимча қилди у.