Озарбайжонда ҳарбий ҳолат бекор қилинди
Озарбайжонда ҳарбий ҳолат 12 декабрь куни маҳаллий вақт билан соат 00:00 дан бекор қилинади. Тегишли фармонни мамлакат президенти Илҳом Aлиев имзолади. Мамлакатда ҳарбий ҳолат 28 сентябрдан бошлаб Тоғли Қорабоғда ҳарбий ҳаракатлар бошланиши муносабати билан эълон қилинган эди. — Интерфакс.
Aвстралияда коронавирусга қарши вакцина ишлаб чиқарилиши тўхтатилди
Aвстралияда Квинсленд университети ҳамда CSL томонидан ўйлаб топилган коронавирусга қарши вакцина ишлаб чиқарилиши тўхтатилди. 216 киши иштирок этган синовларнинг биринчи босқичида, жиддий ён таъсирининг йўқлигига қарамай, субъектларга эмлашдан сўнг ишлаб чиқарилган антитаначалар ОИВ ташхисига халақит бериши ва баъзи ОИВ тестларининг нотўғри ижобий натижаларига олиб келиши аниқланди. Натижаларни ҳисобга олган ҳолда CSL Aвстралия ҳукумати билан вакцинанинг 2 ва 3-синовларини тўхтатишга қарор қилди. — CSL.
АҚШ сиёсий бошпана бериш қоидаларини кескин кучайтирмоқда
АҚШ маъмурияти бошқа мамлакат фуқароларига сиёсий бошпана бериш қоидаларини кескин кучайтирмоқда. 419 бетдан иборат бўлган ушбу ҳужжат пайшанба куни AҚШ Aдлия ва ички хавфсизлик вазирлиги томонидан эълон қилинди. Ўзгаришлар бошпана бериш тўғрисидаги аризаларни кўриб чиқиш тартибларини янгилаш ва тартибга солишга қаратилган. Таъкидланишича, янги тартиб АҚШ маъмуриятига «асоссиз мурожаатларни муносиб кўриб чиқишга лойиқ бўлганлардан самаралироқ ажратиш» имконини беради. — ТАСС.
Time журнали «2020 йил одами»ни эълон қилди
Time журнали АҚШнинг янги сайланган президенти Жо Байден ва бўлажак вице-президент Камала Харрисни йил одами деб эълон қилди. — Газета.uz
