АҚШ Озиқ-овқат ва дори-дармонлар сифатини назорат қилиш бошқармаси (FDA) ҳисоботига кўра, 29 апрелдан 14 ноябргача бўлган муддат давомида вакцина синовларида иштирок этган 43 448 кишидан 6 нафари (0,01%) вафот этган.
Кўнгиллиларнинг икки нафари вакцинани қўлга киритган, тўрт нафарига плацебо берилган. Вакцина берилган икки кишининг ҳам ёши 55 дан юқори бўлган. Улардан бирига вакцинанинг иккинчи дозаси юборилгач, 62 кун ўтиб юрак тўхташи кузатилган ва уч кундан сўнг вафот этган. Вакцина берилган яна бир кўнгилли вакцинанинг биринчи дозасидан сўнг уч кун ўтиб атериоскероз сабабли оламдан ўтган. Плацебо берилган беморлар эса миокард инфаркти, геморрагик инсульт ва бошқа номаълум сабабларга кўра вафот этишган.
FDA, шунингдек, Pfizer ва BioNTech вакциналарнинг сифатини кафолатловчи маълумотларни тақдим этганликларини қайд этди. Препаратлар биринчи дозадан кейиноқ ҳимоя қилади ва 95% самарали ҳисобланади, дея хулоса қилмоқда бошқарма.
