Германия вакили Хельга Шмид Европада Хавфсизлик ва Ҳамкорлик Ташкилотининг (ЕХҲТ) янги бош котиби бўлади, деб хабар беради РИА Новости ЕХҲТнинг амалдаги вакили, Албания бош вазири Эди Рамунинг баёнотига асосланиб.
Шунингдек, ЕХҲТнинг ОАВ эркинлиги бўйича вакили сифатида португалиялик Тереза Рибейру фаолият кўрсатадиган бўлди. У ушбу лавозимда 2017 йил июлдан 2020 йил июлгача ишлаган Арлем Дезирнинг ўрнини эгаллайди.
Италиялик Маттео Мекаччи эса ЕХҲТ Демократик институтлар ва инсон ҳуқуқлари бўйича бюросини (ДИИҲБ) бошқаради.
