Американинг Moderna компаниясининг коронавирусга қарши вакцинаси дастлабки таҳлилда 94,1%, касаллик оғир кечганда 100% самарали бўлганлигини маълум қилди. Бу ҳақда компания маълумотларига асосланиб, Meduza хабар бермоқда.
Синовларда жами 30 мингдан ортиқ киши иштирок этди. Улардан плацебо олган 196 киши ва вакцина билан эмланган 11 киши COVID-19 билан касалланган. Бундай ҳолда, компаниянинг хулосасига кўра, вакцинанинг самарадорлиги 94,1% ни ташкил этди.
Синов иштирокчилари орасида 30 киши коронавируснинг оғир шакли билан касалланган — бу эмлаш ўрнига плацебо олган одамлар бўлган. Вакцинани олганлардан ҳеч ким жиддий касал бўлмаган, бу вакцинанинг 100% самарадорлигини кўрсатади, дейилади хабарда.
Бундан аввал, «Sputnik V» вакцинаси самарадорлиги 91,4 фоиз, Оксфорд университети мутахассислари билан биргаликда ишлаб чиқилган AstraZeneca вакцинаси, клиник синовларининг оралиқ таҳлили унинг ўртача самарадорлиги 70 фоизлигини кўрсатган эди.
