27 ноябрь куни соат чамаси 12:00 да Тошкент шаҳри Яшнаобод туманида жойлашган «Техноконтинентал» МЧЖ корхонасидаги ишлаб чиқариш жараёнида ишлатиладиган сиқилган газнинг сизиб чиқиши натижасида ёнғин юзага келди, дея хабар берди ФВВ матбуот хизмати.
Натижада воқеа жойида ишлаётган корхона ходимларидан бир гуруҳи термик жароҳат олган. Воқеа жойига ёнғин-қутқарув бўлинмалари етиб боргунига қадар корхона ходимларнинг саъй-ҳаракатлари билан ёнғин бартараф этилган.
Жароҳат олган ходимлар зудлик билан Республика шошилинч тез тиббий ёрдам марказига жойлаштирилиб, уларга тиббий ёрдам кўрсатилмоқда.
Айни пайтда ҳодиса рўй берган жойда вазиятни ўрганиш ва бартараф этиш учун Фавқулодда вазиятлар вазирининг биринчи ўринбосари бошчилигида тузилган республика ишчи гуруҳи фаолият олиб бормоқда.
Корхоналар ва ташкилотларнинг ягона давлат реэстри маълумотларига кўра, Течно Сонтинентал 2018 йил январь ойида рўйхатдан ўтган. компания электр жиҳозларини ишлаб чиқариш билан шуғулланади. Корхонанинг асосчилари Artel Electronics (62,5%) Ilk Sabah Insaat Anonim Sirketi (37,5%).
