Германиянинг федерал канцлери Ангела Меркель 25 ноябрь куни Германияда коронавирус туфайли киритилган чекловлар январгача узайтирилишини маълум қилди, дея федерал ҳукумат маълумотларига асосланиб Meduza хабар бермоқда.
Чекловлар 20 декабрга қадар амал қилади. «Аммо, биз тахмин қилмоқдамизки, инфекция юқори даражада тарқалса, чекловлар январь ойининг бошига қадар амал қилишига тўғри келади, агар биз кутилмаган пасайишларга дуч келмасак», — дея Меркелнинг сўзларини The Local нашри келтирмоқда.
Чекловлар 2 ноябрда жорий қилинган, дастлаб улар ой охиригача амал қилади деб тахмин қилинган. Мамлакатда ҳозирда ресторан, бар, театр ва концерт заллари ёпиқ.
Рождество ва Янги йил арафасида карантин чоралари енгиллаштирилади. Шахсий учрашувларда 10 кишигача қатнашиши мумкин.
Германияга келганлар учун мажбурий карантин муддати 14 кундан 10 кунгача қисқартирилди.
