24 ноябрь куни соат 06:13 да Тошкент кичик ҳалқа йўлида, 116-сонли йўналишли автобус автотураргоҳдан терминал станциясига қараб чиқиб кетаётган вақтда ёниб кетган, дея хабар берди Фавқулодда вазиятлар вазирлиги матбуот хизмати.
Воқеа жойига 4 дақиқадан сўнг Тошкент шаҳар Фавқулодда вазиятлар бошқармаси ёнғин-қутқарув гуруҳлари етиб келишган. Соат 06:26да ёнғин қуршаб олинган ва соат 06:39да тўлиқ бартараф этилган. Автобус ёниб кетишига двигатель бўлинмасидаги қисқа туташув сабаб бўлганлиги тахмин қилинмоқда.
Ушбу воқеада жабрланганлар йўқ. Ёнғин бошланишидан олдин автобус ҳайдовчиси ўз вақтида йўловчилар бўлинмасидан чиқиб кетишга муваффақ бўлган.
