Январь-октябрь ойларида Ўзбекистондан чет элга 127,2 млн доллар қийматидаги 13 310 дона енгил автомобиль экспорт қилинган, дея хабар берди Давлат статистика қўмитаси.
2019 йилнинг шу даври билан солиштириладиган бўлса, автомобиль экспорти 66,8% га, яъни 50,9 млн долларга ошган бўлиб, экспорт қилинган автомобилларнинг деярли 90 фоизини Қозоғистон сотиб олган. Ўзбекистон Қозоғистонга 109,8 млн долларлик автомобиль сотган.
Сотиб олиш бўйича кейинги ўринларда:
- Украина (6,4 млн доллар);
- Озарбайжон (6,2 млн доллар);
- Россия (2,2 млн доллар);
- Тожикистон (1,2 млн доллар);
- Бошқа давлатлар — (1,4 млн доллар) турибди.
Маълумот учун, январь-октябрь ойларида Ўзбекистонга 392,8 млн доллар қийматидаги 22 228 дона енгил автомобиль импорт қилинган.
Аввалроқ, январь ойидан бери Ўзбекистон Қозоғистондан 67 млн долларлик миқдорда 3,1 минг дона автомобиль сотиб олгани ва энг йирик импортчига айлангани ҳақида хабар берган эдик.
