Британиянинг AstraZeneca фармацевтика компанияси Оксфорд университети мутахассислари билан биргаликда ишлаб чиқилган вакцина, клиник синовларининг оралиқ таҳлили унинг ўртача самарадорлиги 70 фоизлигини кўрсатди. Бу ҳақда РИА Новости хабар бермоқда.
AstraZeneca маълумотларига кўра, Буюк Британия ва Бразилияда ўтказилган синовлар натижасида AZD1222 вакцинаси COVID-19 нинг олдини олишда самарали деб топилди. Вакцинани олган кўнгиллилар орасида касалхонага ётқизиш ёки касалликнинг оғир шакллари кузатилмаган.
Клиник синовлар жараёнида иккита дозалаш усули ишлатилган, шунда бирининг самарадорлиги 90 фоизни, иккинчисининг — тахминан 62 фоизни ташкил этди. Умуман олганда, икки дозалаш режимининг натижалари ўртача 70 фоизли самарадорликни кўрсатди.
Бу кунгача ўз самарадорлигини кўрсатган COVID-19 га қарши вакциналар:
| № | Вакцина | Ким томонидан ишлаб чиқилди | Самарадорлиги, фоизда |
| 1 | Pfizer | Pfizer (АҚШ), BioNTech (Германия) | 95 |
| 2 | Moderna | Moderna (АҚШ) | 94,5 |
| 3 | Спутник V | Н.Ф.Гамалея номидаги Миллий эпидемиология ва микробиология илмий маркази (Россия) | 92 |
| 4 | AstraZeneca (AZD1222) | AstraZeneca (Буюк Британия),Оксфорд университети мутахассислари | 70 |
Вакциналарнинг клиник синовлари ҳали ҳам давом этмоқда.
