Ўзгидромет синоптиклари «Газета.uz» га ўтган чоршанба кунидаги об-ҳаво ҳақида маълумот беришди: 18 ноябрь куни Ўзбекистонда кучли қор ёғди ва Урал ҳудудларидан совуқ антициклон кириб келди.
Ёғингарчиликлар, асосан қор шаклида бўлиб, Ўзбекистон ҳудудининг катта қисмида кузатилди; тоғли ҳудудларда қор нисбатан кучли бўлди. Фақат мамлакатнинг шимоли-ғарбий минтақаларида ва чўл зонасида ёғингарчилик бўлмади.
Фото: «Газета.uz»
Қор ёғиши пайтида 50−100 мгача бўлган жойларда кўринишлар ёмонлашди, йўлларни муз қоплаган, дея таъкидлади Ўзгидромет.
Кечга яқин мамлакатнинг марказий ва шарқий минтақаларида баландлиги 6 дан 14 смгача, баъзи жойларда 20−25 смгача қор қоплами шаклланди, қор қоплами илгари шаклланган тоғли ҳудудларда қор қалинлиги 10−30 смгача кўтарилди.
Кун давомида ҳаво ҳарорати -5−3 даражадан ошмади. Кечаси деярли ҳамма жойда ёғингарчилик тўхтаб, аёз кучайган.
Тошкентдаги термометр -9 даражага тушиб кетди. Мамлакатнинг баъзи жойларида -13−10 гача, шимолда ва чўл зонасида -18−15 даражагача қайд этилган. Синоптикларнинг таъкидлашича, бу ҳарорат ўртача йиллик кўрсаткичдан 10−15 даражага паст.
Умуман олганда, Ўзгидрометнинг таъкидлашича, ноябрь ойининг иккинчи ярмида Ўзбекистонда қор ёғиши одатий ҳол эмас. Ёмғирдан қорга ўтиш ва беқарор қор қопламининг шаклланиши ўтган йили ҳам қайд этилган ва 2016 йилда деярли шу йилги саналарда қор ёғган. Бироқ, бу даврда бундай паст ҳарорат жуда камдан-кам кузатилади, дея таъкидладилар синоптиклар.
Бугун ҳаво ҳарорати -5−2 даражани ташкил этмоқда. Бутун Ўзбекистон бўйлаб совуқ об-ҳаво келаси ҳафта бошига қадар давом этади. Ҳавонинг ҳарорати кечаси −9−6, кундузи 2−3 даража бўлиши кутилмоқда.
