Ўзбекистон 2020 йилнинг дастлабки 9 ойида хориждан қиймати 50,6 млн АҚШ долларига тенг бўлган 2,4 миллион дона шина сотиб олган, деб хабар бермоқда Давлат статистика қўмитаси матбуот котиби. Бу кўрсаткич ўтган йилнинг шу даври билан солиштирилганда 320,2 минг донага ёки 8,6 млн АҚШ долларига кам.
Ўзбекистонга енгил автомобил шинаси асосан Хитой давлатидан (34,4 млн АҚШ долларига) олиб кирилган.
Ўтган 9 ой мобайнида Ўзбекистон Хитойдан 34,8 млн доллар, Чехиядан 8,7 млн доллар, Кореа Республикасидан 5,3 млн доллар, Россия Федерациясидан 1,0 млн доллар, Туркиядан 0,5 млн доллар миқдоридаги енгил автомобил шинасини импорт қилган.
Маълумот ўрнида, жорий йилда енгил автомобил шинаси импорти асосан, Андижон вилояти (36,9 млн доллар), Тошкент шаҳри (7,3 млн доллар) ҳамда Самарқанд вилояти (4,4 млн доллар) ҳиссасига тўғри келган.
