Туркия президенти Режеп Таййип Эрдоған мамлакатда коронавирус тарқалиши туфайли карантин чораларини кучайтирилаётгани маълум қилди. Бу ҳақда Медуза маҳаллий Anadolu агентлигига таяниб хабар берди.
Савдо марказлари, бозорлар ва сартарошхоналарнинг фақат соат 10:00 дан 20:00 гача ишлашига рухсат берилди. Бар ва ресторанлар харидорларга фақат олиб кетиш хизмати орқали фаолият кўрсата олади. Барча кинотеатрлар камида йилнинг оҳиригача ёпилиши кутилмоқда. Мактаблар эса масофавий таълимга ўтади.
Дам олиш кунлари Туркия бўйлаб комендантлик соати эълон қилинди. Кўчага соат 20:00 дан 10:00 гача чиқиш тақиқланади.
Сўнгги пайтларда Туркия бўйлаб кунига 3 миндан ортиқ коронавирус юқтириб олганлар аниқланмоқда. Бу кўрсаткич эса октябрь ойида 2 минг нафарни ташкил этган. Апрель ойида энг юқори даражадаги юқтирганлар сони аниқланган ва кунига 4 ярим мингдан ортиқ беморлар рўйхатга олинган.
Бундан аввал, Франция ва Германия коронавирус тарқалиши туфайли оммавий карантин эълон қилган эди.
