1 ноябрь ҳолатига кўра Ўзбекистоннинг ялпи олтин-валюта захиралари ҳажми ўтган ойга нисбатан 105 млн долларга камайган ҳолда 33,3 млрд долларни ташкил этди, дея хабар берди Марказий банк.
Соф олтин-валюта захиралари (ялпи захира ва мажбурий валютадаги фарқ) ҳам 216 млн долларга камайиб, 32,4 млрд долларни ташкил этмоқда.
Олтин-валюта захиралари кетма-кет учинчи ой камаймоқда. Марказий банк апрель ойидан бошлаб ҳам чет эл валютасида, ҳам олтин захираларини яратаётган эди, аммо август ойида олтинни сотиш орқали захираларни диверсификация қилиш амалга оширилди.
Манба: Марказий банк. Катталаштириш учун устига босинг.
Эслатиб ўтамиз, бир ой олдин 1,15 млрд долларга камайгани ҳақида хабар берган эдик.
Шунингдек, Ўзбекистон июль-сентябрь ойларида 35 тонна олтин сотиб, бу борада дунёда етакчига айланди.
