Сатирик ёзувчи Михаил Жванецкий 86 ёшида вафот этди, деб хабар берди РИА Новости.
Михаил Жванецкий 1934 йилда Одессада шифокорлар оиласида туғилган. У Аркадий Райкин театрида ишлаган, Роман Карцев ва Виктор Ильченко билан ижодий ҳамкорлик қилган, улар учун 300 дан ортиқ миниатюра ва монолог ёзган.
Кейинчалик, ўзининг шахсий услубига ўтиб, у Одесса Филармониясида, сўнгра Москва «Эрмитаж» театрида мустақил равишда ишлай бошлади ва катта машҳурликка эришди.
1988 йилда у Москва миниатюралар театрини яратди, унинг доимий бадиий раҳбари сифатида охирги кунларигача ишлаб келди.
Жванецкийнинг «Кўчаларда учрашувлар» (1982), «Икки йил бир йилдек» (1987), «Менинг Одессам» (1993), «Тўпламлар» китоблари 4 жилдда нашр этилган (2001).
Октябрь ойининг бошларида Михаил Жванецский ўзининг ёши туфайли оммавий томошаларни тўхтатганини эълон қилди. Бундан ташқари, у соғлиғи ёмонлигидан ҳам шикоят қилган эди.
