28 октябрь куни президент яширин иқтисодиётни камайтириш чора-тадбирлари тўғрисидаги фармонни имзолади. Октябрь ойининг бошида муҳокамага қўйилган ушбу ҳужжат лойиҳасида жисмоний шахсларга якка тартибдаги тадбиркор сифатида такси хизматини кўрсатишга рухсат берилиши таклиф қилинган эди. Бироқ ушбу банд ҳужжатнинг имзоланган таҳририга киритилмади.

Ўзини ўзи банд қилган шахсларга йўловчиларни ташиш учун рухсат бериш шартларидан бири йўналишсиз таксиларга мижозларни топиш учун интерактив хизмат кўрсатувчи ихтисослаштирилган электрон агрегаторларида мажбурий рўйхатдан ўтиш бўлиши мумкин эди.

Молия вазирлиги матбуот хизматининг «Газете.uz»га хабар беришича, ҳозирда ўзини ўзи банд қилган такси ҳайдовчилари учун янги иш механизми ишлаб чиқилмоқда. Унга кўра, улар рўйхатдан нафақат агрегаторлар, балки бошқа усулдан ҳам ўтишлари мумкин бўлади.

Эслатиб ўтамиз, Ўзбекистонда жисмоний шахсларга такси хизматларини кўрсатишга рухсат бериш уч йилдан бери режалаштирилмоқда. 2017 йилнинг ўзида собиқ молия вазири Жамшид Қўчқоров бу ҳақда гапирган эди, аммо унинг ўринбосари Ахадбек Ҳайдаров «биз бунга тайёр эмасмиз» деди.

2018 йил баҳорида якка тартибдаги тадбиркорларга такси хизмати кўрсатишга рухсат бериш, шунингдек йўналишли таксиларга касса аппаратлари ва радиоалоқа воситаларни ўрнатиш талабларини бекор қилишни назарда тутувчи президент фармони лойиҳаси ишлаб чиқилган эди. Бироқ ушбу таклифлар ҳам давлат раҳбари томонидан имзоланган фармоннинг якуний версиясига киритилман.

2019 йил баҳорида якка тартибдаги тадбиркорларга такси хизматларини кўрсатишга рухсат берилиши мумкинлиги маълум бўлган эди. жисмоний шахсларга якка тартибдаги тадбиркор сифатида йўналишли таксиларда йўловчи ташиш бўйича хизмат кўрсатишга рухсат бериш таклиф қилинганди, бироқ охир-оқибат лойиҳа қабул қилинмади.