Бу йилнинг январь-сентабрь ойларида Ўзбекистонда 217771 та енгил ҳамда 2936 дона юк автомобиллари ишлаб чиқарилган. Бу ҳақда Статистика қўмитаси маълумот берди.
Енгил автомобиллар қуйидаги сонда ишлаб чиқарилган:
| Автомобиль русуми | Январь-сентябрь ойларида | Август ойида | Сентябрь ойида |
| Cobalt | 59252 | 7301 | 7050 |
| Nexia T-250 | 52689 | 5241 | 5785 |
| Lacetti-Gentra | 39960 | 4782 | 4810 |
| Damas | 39631 | 4433 | 4309 |
| Spark | 19980 | 1905 | 1705 |
| Labo | 6259 | 807 | 932 |
Август ойи билан таққослаганда Nexia ва Labo автомобиллари кўпроқ ишлаб чиқилган бўлса, қолган барча автомобиллар камроқ ишлаб чиқарилган.
Ушбу давр мобайнида чет элга 108,2 млн. долларлик автомобил экспорт қилинган. Шунингдек, 349,3 млн. долларлик енгил автомобиллар импорт қилинган.
Айтиб ўтиш жоизки, январь-сентабрь ойларида мамлакатда 174,5 минг дона автомобиль двигателлари ишлаб чиқарилган. Автомобилларнинг эҳтиёт қисмлари импорт қилинган қиймати 565,3 млн долларни ташкил этди.
Эслатиб ўтамиз, август ойида ҳам Cobalt автомобили Ўзбекистонда энг кўп ишлаб чиқарилгани ҳақида хабар берган эдик.
