20 октябрь куни Марказий сайлов комиссиясининг навбатдаги мажлиси бўлиб ўтди. Бу ҳақда Марказий сайлов комиссияси матбуот хизмати хабар бермоқда.
Йиғилишда Борий Алиханов ва Наримон Умаровни Олий Мажлиси Қонунчилик палатасининг депутатлари рўйхатидан чиқариш ва президент фармонига асосан Олий Мажлисининг Сенати аъзолигига тайинланган Борий Алиханов ва Наримон Умаровни Сенат аъзолари этиб рўйхатга олиш масалалари кўриб чиқилган.
Марказий сайлов комиссияси 39-Қизилтепа сайлов округидан сайланган Олий Мажлисининг Қонунчилик палатаси депутати Борий Батирович Алиханов ҳамда 82-Шўрчи сайлов округидан сайланган Ўзбекистон Олий Мажлисининг Қонунчилик палатаси депутати Нариман Маджитович Умаровларнинг берган ёзма аризасига асосан уларнинг депутатлик ваколати муддатидан илгари тугатилганлиги юзасидан қарор қабул қилди.
Шунингдек, давлат раҳбарининг 2020 йил 20 октябрдаги «Ўзбекистон Республикаси Олий Мажлиси Сенати аъзоларини тайинлаш тўғрисида"ги фармонига асосан ҳамда Ўзбекистон Республикаси Сайлов кодексининг 14, 16 ва 75-моддаларига мувофиқ, Марказий сайлов комиссияси Алиханов Борий Батирович ва Умаров Нариман Маджитовичларни Ўзбекистон Республикаси Олий Мажлиси Сенати аъзолари этиб рўйхатга олинди.
