Вирусолог коронавирусга қарши антитаналар аҳолининг қайси гуруҳларда кам миқдорда ишлаб чиқарилишини айтди

Коронавирусга қарши антитаналар кексалар, спиртлик ичимликларини қабул қиладиган, стресс остида ва яллиғланишга қарши дориларни қабул қилаётганларда энг кам миқдорда ёки умуман ишлаб чиқарилмаслиги мумкин. Ушбу маълумот коронавирусга қарши илк вакцина ишлаб чиқилган Гамалея маркази директори Aлександр Гинцбург томонидан айтилди. — Интерфакс.

Греция муҳожирлар туфайли Туркия билан чегарадаги деворни қуриб битиради

Греция Туркия билан чегарадаги деворнинг узунлигини уч бараварга оширади ва тахминан 26 километрлик қисмини якунлайди. Қурилиш мамлакатга тахминан 63 миллион еврога тушади ва келаси йилнинг апрель ойи охирига қадар қуриб битказилиши керак. Деворнинг мақсади Туркия томонидан келаётган муҳожирлар оқимини тўхтатишдан иборат. — CBC

Honda бензинда юрадиган автомобилларни ишлаб чиқаришни тўхтатади

Фото: global/honda

Япониянинг Honda компанияси 2022 йил охирига қадар Европа учун бензинда юрадиган автомобилларни ишлаб чиқаришни тўхтатади. Шунингдек, 2022 йилга келиб компания Европада дизелда юрадиган машиналарни ишлаб чиқаришни тўхтатиш истагини ҳам билдирмоқда. Компания асосий эътиборни гибрид ва электр транспорт воситаларига қаратади. — lenta.ru

Исроил ва БАА визасиз режим бўйича келишувга эришди

Исроил ва Бирлашган Араб Амирликлари ўз фуқаролари учун визасиз саёҳат тизимини йўлга қўйиш тўғрисида келишиб олишди. Бу ҳақдаги битим БАА раҳбариятининг юқори мартабали вакилларини ўз ичига олган делегациянинг Тель-Авивга ташрифи давомида имзоланди. Битимни имзолаш маросимида Исроил бош вазири Биньямин Нетаньяху, АҚШ молия вазири Стивен Мнучин ва БААнинг икки вазири қатнашган. БАА Исроил билан визасиз тизим борасида музокаралар олиб борган биринчи араб давлати бўлди. — Газета.uz

Европада коронавирус чекловлари кучайтирилмоқда

Европа Иттифоқининг қатор мамлакатлари COVID-19 касаллигига чалиниш ҳолатлари кўпайиб бораётгани сабабли карантин чекловларига қайтишмоқда. Европа касалликларни назорат қилиш ва олдини олиш марказининг сўнгги маълумотларига кўра, ЕИнинг учдан икки қисми — 28 давлатдан 19 таси «қизил ҳудуд»га киритилган. Сўнгги икки ҳафта ичида у ерда кунига 100 минг кишига ўртача 150 дан ортиқ янги касалланиш ҳолатлари қайд этилган. — Газета.uz

Аёл кишининг қўлини сиқишни истамаган ливанлик эркакка Германия фуқаролиги берилмади

Германиянинг Баден-Вюртемберг маъмурий суди 16 октябрь куни бўлган жараёнда аёл билан қўл бериб кўришишдан бош тортган мусулмон эркакнинг фуқаролик олиш аризасини рад этди. Суд баёнотида аёл билан қўл бериб кўришдан бош тортган шахс «Германияда яшаш шароитларига мослаша олмаслиги» таъкидланди. — Газета.uz