Германия канцлери: иккинчи тўлқинга йўл қўймаслигимиз керак

Фото: bundesregierung.de

Германия иқтисодий нуқтаи назардан баҳордаги коронавируснинг биринчи тўлқини пайтида бўлгани каби янги локдаунга қодир эмас. Бу ҳақда Берлинда бўлиб ўтган матбуот анжуманида Германия канцлери Aнгела Меркель айтиб ўтди. Канцлер пандемия билан боғлиқ вазиятни зудлик билан назоратга олиш зарурлигини таъкидлади. «Биз фақат шу йилнинг ўзида 250 миллиард евродан ортиқ янги қарзларни қоплайдиган бюджетни қабул қилдик. Шунинг учун биз, шу жумладан иқтисодий жиҳатдан ҳам баҳордаги вазиятга ўхшаш иккинчи тўлқин бўлишига йўл қўймаслигимиз керак», — деди Меркель. — ТАСС.

Aрктикада музлар қалинлиги 40 йил ичида икки бараварга қисқарди

Сўнгги 40 йил ичида Aрктикада музларнинг қалинлиги икки бараварга камайди, қишда эса ўртача ҳаво ҳарорати ўн даражага кўтарилди. Бундай маълумотларни Aрктика зонасининг марказий қисми иқлимини ўрганаётган халқаро Mosaic экспедицияси келтирди. Тадқиқотчилар улар тўплаган маълумотлардан иқлимни муҳофаза қилиш бўйича фундаментал сиёсий қарорларни қабул қилишда туртки бўлишини таъкидладилар. — ТАСС.

Жаҳон иқтисодиёти коронавирус туфайли 28 трлн доллар зарар кўриши мумкин

Фото: fb.com/imf

Халқаро валюта жамғармаси директори Кристалина Георгиева коронавирус пандемияси туфайли бутун дунё беш йил ичида 28 трлн долларлик ялпи ички маҳсулотни йўқотиши мумкинлиги таъкидлади. Георгиева ХВЖ энг кўп зарар кўрган мамлакатларни қўллаб-қувватлаш учун барча ресурсларга эга эканлигини айтди. Унинг сўзларига кўра, ушбу жамғарма пандемия бошидан 81 давлатни молиявий кўмак билан таъминлади. Ташкилот, шунингдек, мамлакатларнинг қарз бериш бўйича мажбуриятларини 280 миллиард долларга етказди. — РИА Новости.

Xiaomi Appleнинг янги смартфонига кулгили изоҳ берди

Xiaomi IPhoneдаги бепул қувватлаш қурилмасидан (зарядловчи адаптердан) воз кечилгани учун Twitter саҳифасида кулгили изоҳ қолдирди. 14 октябрь куни Хитой брендининг глобал аккаунтида Xiaomi Mi 10T Pro смартфони қутисидан чиқарилиш жараёни ҳақида қисқача видео пайдо бўлди. Видеога кўра, флагман билан бирга қутида зарядловчи адаптер ҳам бор эди. «Хавотир олманг, биз қутидан ҳеч нарсани олиб ташламадик», — дейилади публикацияда. Ушбу изоҳ Apple смартфонларининг соддалаштирилган тўплами ҳақидаги янгиликларга муносабат бўлиши мумкин. — Xiaomi Twitter саҳифасидан.

Қирғизистон президенти истеъфога чиқишини эълон қилди

Қирғизистон президенти Сооронбай Жээнбеков истеъфога чиқишга қарор қилди."Мамлакатимиз пойтахти Бишкек шаҳрида ижтимоий ва сиёсий вазият кескинлигича қолмоқда. Кеча Жогорку кенеш ҳукумат таркибини тасдиқлади, мен Қирғизистон Республикаси президенти сифатида тегишли лавозимга тайинлаш тўғрисидаги фармонларни имзоладим. Аммо бу кескинликни юмшата олмади. Афсуски, агрессия сусаймаяпти, зудлик билан истеъфога чиқишимга бўлган талаблар давом этмоқда", — дейилади баёнотда. —  Газета.uz

Европа Иттифоқи Навальний иши бўйича Россияга қарши санкциялар эълон қилди

Европа Иттифоқи Алексей Навальний билан юзага келган вазият сабабли олти нафар россиялик амалдорга ва битта илмий институтга қарши санкциялар эълон қилди. Рўйхат Европа Иттифоқи Кенгаши журналида эълон қилинди. Кейинчалик худди шундай санкцияларни Буюк Британия ҳам жорий қилди. Рўйхатга Россия Федерал хавфсизлик хизмати директори Александр Бортников, Ички ишлар бўйича президент бошқармаси раҳбари Андрей Ярин ва бошқа шахслар киртилди. — Газета.uz