13 октябрь куни Apple компанияси Apple Event онлайн тақдимотини ўтказди. Тақдимотда HomePod mini портатив «ақлли» карнайи, iPhone 12, iPhone 12 mini ва iPhone 12 Pro смартфонлари намойиш этилди.
HomePod mini
Янги портатив карнайи iPhone 11 да қўлланилган U1 чипига эга. Apple Watch Series 5 каби S5 процессорида ишлайди. Колонкага Siri овозли ёрдамчиси ўрнатилган. Компания таъкидлашича бу «ақлли» қурилмани имкониятларини янада кенгайтиради.
HomePod mini карнайи
HomePod mini 16 ноябрьдан сотувга чиқарилади, нархи — $99.
Карнай 360 градусли товуш чиқариши мумкин. Иккита карнас эса бирлашиб стерео товушга айланади.
iPhone 12 ва Mini
iPhone 12 смартфони янги Super XDR экранига эга бўлди. iPhone 11 га қараганда икки карра кўп пикселлар, барча HDR форматларини қўллаб-қувватлайди. Керамика эса ушбу экранларни янада мустаҳкам қилади. Янги дизайн 11% ингичкароқ, 15% кичикроқ ва 16% енгилроқ бўлди. Процессор — олти ядроли A14 Bionic, ҳозирда «энг кучли процессор».
iPhone 12
Яна бир муҳим янгилик — барча смартфонлар 5G технологиясини қўллаб-қувватлайди.
Етти элементдан иборат янги камера паст ёруғликда 27% яхшироқ ишлайди. Орқа панелда MagSafe магнитли улагич жойлашган.
iPhone 12 Mini дунёдаги энг ихчам 5G смартфон деб топилди. Унинг экран катталиги 5.4 дюйм.
iPhone 12 Pro ва Pro Max
iPhone 12 Pro учта камера ва Lidar сенсорига эга бўлди. Ушбу қурилма тарихдаги энг катта iPhone деб топилди. Super Retina XDR дисплейнинг катталиги 6.7 дюйм. Барча камералар фотосуратларни сифатини оширадиган Deep Fusion технологиясини қўллаб-қувватлайди.
Асосий камеранинг сенсори паст ёруғликларда iPhone 11 Pro Max смартфонига қараганда 87% яхшироқ тасвирга олади. Профессионал фотосуратлар учун мўлжалланган Apple ProRAW функцияси 2020 йилда пайдо бўлади. Бундан ташқари HDR ва Dolby Vision HDR форматида 10-битлик видеолар тасвирга олиш мумкин.
