24 сентябрдан бошлаб Тошкент метросининг 17 та бекатида биттадан чиқиш вестибюллари «ишлаб чиқариш эҳтиёжлари сабабли» вақтинча ёпилади. Метрополитен хабарида айтилишича, бу «ишлаб чиқариш эҳтиёжлари» билан боғлиқ. Бу қанча вақтгача давом этиши ҳақида аниқ маълумот берилмаган.

Барча бекатлар стандарт ҳолатда ишлайди: Чилонзор ва Ўзбекистон йўналишларида — соат 05:00 дан 00:00 гача, Юнусобод ва Ҳалқа йўналишларида — 06:00 дан 23:00 гача.

Чилонзор йўналиши:

  • «Пушкин» бекати — «Салар» кўприги томонидаги вестибюл;
  • «Ҳамид Олимжон» бекати — NBU банки томонидаги вестибюл;
  • «Амир Тимур Хиёбони» бекати — 50-мактаб томонидаги вестибюл;
  • «Мустақиллик Майдони» бекати — «Мустақиллик майдони» томонидаги вестибюл;
  • «Халқлар дўстлиги» бекати — Ташкент сити томонидаги вестибюл;
  • «Новза» бекати — «Новза» масжиди томонидаги вестибюл;
  • «Мирзо Улуғбек» бекати — «Миллий» стадиони томонидаги вестибюл.

Ўзбекистон йўналиши:

  • «Тошкент» бекати — Бош пўчта томонидаги вестибюл;
  • «Ойбек» бекати — Фармацевтика институти томонидаги вестибюл;
  • «Космонавтлар» бекати — «Интерпол томонидаги вестибюл;
  • «Тинчлик» бекати — Газ лойиҳалаш институти томонидаги вестибюл.

Юнусобод йўналиши:

  • «Минг ўрик» бекати — Геология музейи томонидаги вестебюл;
  • «Абдулла Қодирий» бекати — Гёте институти томонидаги вестебюл;
  • «Минор» бекати — молия институти томонидаги вестебюл;
  • «Бодомзор» бекати — NBU банк томонидаги вестебюл;
  • «Шаҳристон» бекати — «Юнусобод» бозори томонидаги вестебюл;
  • «Туркистон» бекати — «Уч Қаҳрамон» томонидаги вестебюл.