Мадрид қисман карантин жорий қилди
Мадриднинг жанубий туманларида истиқомат қилувчи миллионга яқин аҳолининг ҳаракати 21 сентябрдан бошлаб икки ҳафтагача яна чекланди.
Полиция транспорт воситаларининг кириши ва чиқишини назорат қилишни бошлади. Уйни фақатгина иш ёки ўқиш, шифокорга ёки ёрдамга муҳтож қариндошини кўриш учун тарк этиш мумкин.
Испания бош вазири Педро Санчес Мадрид автоном ҳамжамиятининг бош вазири Изабел Диас Аюсо билан учрашувда: «Бу ўйин эмас. Биз иккинчи тўлқин билан дуч келмоқдамиз, бу биринчисидан бир қатор хусусиятлари билан фарқ қилади. Мен айтмоқчиманки касаллик у қадар кўп тарқалмаслиги мумкин, аммо хавфлилик даражаси юқори», — дея таъкидлади.
Буюк Британия карантин чораларини эълон қилиши мумкин, аммо бу сафар карантин олти ойгача давом этиши эҳтимоллиги юқори
Пандемия ҳолати яхшиланмаса, янги коронавирус чекловлари олти ойга чўзилиши мумкин, деди 22 сентябрь куни Борис Жонсон парламентда.
«Илм-фан бизга ёрдамга келади», — деб изоҳ берди Англия бош шифокори Крис Уитти. «Аммо кейинги олти ой ичида бизнинг ягона умидимиз хавфсизлик чораларига жиддий жамоавий муносабатдир».
22 сентябр куни Борис Жонсон 4 та инглиз округи эпидемиянинг ривожланишини эълон қилган вазиятда парламентга ҳаракатлар режасини тақдим этиши керак. Июнь ойидан бери биринчи марта мамлакат расмийлари санитария хавфи даражасини учинчи даражадан тўртинчи даражага кўтаришга қарор қилишди, яъни ахоли орасида кассаланиш ҳолатлари кўпайганлиги туфайли ижтимоий масофани сақлаш қатъий тартибга солинади.
Россияда янги карантин чоралари қўлланилмайди
Россияда коронавирус тарқалишининг ўсиши сабабли янги карантин чекловлари талаб қилинмайди. Бу ҳақда бош санитария шифокори, Роспотребнадзор раҳбари Анна Попова хабар берди. У мамлакатда эпидемик вазиятни «барқарор» деб таърифлади. Унинг сўзларига кўра, касалликнинг кўпайиши куз-қиш мавсумида кўп учрайдиган нафас олиш йўллари инфекциялари боғлиқ.
«Биз бу ҳақда кўп марта айтган эдик, сентябрнинг иккинчи ўн кунлигида биз муҳим кўрсаткичларни кўришимиз мумкин. Бугунги кунда рўйхатга олинган ҳар бир ҳолат эпидемиологик жиҳатдан аниқ, бугунги вазиятда тушунарсиз, номаълум нарса йўқ. Шу муносабат билан ҳеч қандай янги чеклов чораларини киритишга эҳтиёж йўқ», — деди у.
Сўнгги расмий маълумотларга кўра, пандемия бошланганидан бери Россияда 20 мингга яқин коронавирус беморлари вафот этган. Сўнгги кунларда беморларнинг расмий сони кўпайиб бормоқда ва тахминан 1 миллион 180 минг кишини ташкил қилмоқда.
Франциядаги вазият
Францияда сўнгги 24 соат ичида 5 мингдан ортиқ коронавирус юқтириш ҳолатлари аниқланди. Буюк Британия сингари, Францияда ҳам энг катта ташвиш касалхонага ётқизишга муҳтож бўлганларнинг ҳаммасини қабул қилиш имконияти йўқлигидан келиб чиқмоқда.
Расмийлар ҳозирча тўлиқ карантин жорий этилишини истисно қилмоқдалар. Аммо, Лионда бўлгани каби, ҳамма жойда ниқоб кийишни мажбурий қилишмоқда. Шунингдек, қариялар уйларига ташрифлар сони камайтирилди ва 10 дан ортиқ одам қатнашадиган оилавий учрашувлар тақиқланди.
