Ўзбекистон «Вектор» маркази томонидан ишлаб чиқарилган COVID-19га қарши вакцинани рўйхатдан ўтказгандан сўнг қўшма синовларидан ўтказишга қизиқиш билдирди, деб хабар берди Роспотребнадзор.
Роспотребнадзор Ўзбекистон Соғлиқни сақлаш вазирлиги ҳузуридаги Санитария-эпидемиологик осойишталик агентлиги билан янги коронавирус тарқалишига қарши кураш, шу жумладан COVID-19 профилактикаси учун вакцинани ишлаб чиқиш масалалари бўйича видеоконференция ўтказилди, дея аниқлик киритилди хабарда.
«Томонлар Россия ва Ўзбекистондаги мавжуд эпидемик вазият, ўрнатилган чекловларни бекор қилиш шартлари, шунингдек, Роспотребнадзорнинг „Вектор“ вирусология ва биотехнология давлат илмий маркази томонидан ишлаб чиқилган Россиянинг „ЭпиВакКорона“ вакцинасини синовдан ўтказиш жараёнини муҳокама қилдилар. Хусусан, ўзбек томони вакцинани рўйхатдан ўтказгандан сўнг уни ишлатиш бўйича қўшма тадқиқотларда иштирок этиш истагини билдирди», — дейилади хабарда.
Аввалроқ Россия коронавирусга қарши «Спутник V» вакцинасини фуқаролар муомаласига чиқарганини хабар қилган эди. 11 август куни эса Россия президенти Владимир Путин COVID-19 га қарши илк вакцинанинг рўйхатдан ўтказилгани ҳақида эълон қилди.
