Тошкент вилояти бош имом-хатиби Хайруллоҳ Турматов 44 ёшида ҳаётдан кўз юмди. Бу ҳақда Ўзбекистон мусулмонлари идораси матбуот хизмати хабар қилди. Ўлим сабаби маълум қилинмади.
Хайруллоҳ Турматов 1976 йил 16 августда Ангрен шаҳрида туғилган. Тошкент Ислом институтини (2001) ва Тошкент вилоят педагогика институтини (2003) тамомлаган. Турли йилларда у «Четсув» (1994−2003), «Қорабоғ» масжидларида имом-хатиб ва шу билан бирга, Ангрен шаҳрида бош имом-хатиб (2003−2014) бўлиб ишлаган. 2014 йилдан буён Зангиота масжиди имом-хатиби ва Тошкент вилояти бош имом-хатиби лавозимларида ишлаб келаётган эди.
2 сентябрь куни у Тошкент вилоятининг Юқоричирчиқ туманидаги «Ийк ота» зиёратгоҳининг очилишида иштирок этган эди.
