Ички ишлар вазирлиги Йўл ҳаракати хавфсизлиги бош бошқармаси Ўзбекистоннинг Тошкент, Самарқанд, Фарғона, Қашқадарё ва Наманган вилоятларида бир кунда (13 сентябр) содир бўлган бешта йўл-транспорт ҳодисасида тўққиз киши ҳалок бўлганлиги ҳақида хабар берди.
Чиноз тумани — 4 киши ўлган, 2 киши жароҳатланган
Сурат: ЙҲХББ.
13 сентябрь куни соат 00:10 да М-39 «Тошкент-Термиз» автомобиль йўлининг 858-километрида, Тошкент вилояти Чиноз тумани «Кўтарма» маҳалласи ҳудудидан бораётган Nexia-3 ҳайдовчиси Т.К автомашина бошқарувни йўқотиб, бетон тўсиқдан ўтиб кетди. Қарама-қарши йўналишда эса Ф. Н. бошқарувидаги Lacetti автомашинаси билан тўқнашиб кетган. Қайд этилишича, ҳар иккала ҳайдовчи ҳам хавфсизлик камарини тақмаган бўлган.
Натижада 34 ёшли Nexia ҳайдовчи Т. С., 39 ёшли ҳайдовчи Lacetti Ф. Н., шунингдек, йўловчилар — 40 ёшли Э. Х. ва 25−30 ёшлардаги аёл жароҳатлар натижасида воқеа жойида вафот этдилар.
Бундан ташқари, Lacetti йўловчилари — 29 ёшли К. Б. ва 44 ёшли Ю.Х. жароҳатлар билан касалхонага ётқизилган.
Ушбу факт бўйича 266-модданинг 3-қисмининг «а» бандига биноан (транспорт воситалари ҳаракати ёки улардан фойдаланиш хавфсизлиги қоидаларини бузиш одамлар ўлимига сабаб бўлса) жиноий иш қўзғатилган.
Оқдарё тумани — 2 киши ўлган, 1 киши жароҳатланган
Фото: Ички ишлар вазирлиги Тергов бошқармаси
13 сентябрь куни соат 02:30 атрофида М-37 автомагистралининг 37-километрида, Самарқанд вилояти Оқдарё тумани Амир Темур маҳалласи ҳудудида Бухоро-Самарқанд йўналиши бўйлаб ҳаракатланаётган Lacetti ҳайдовчиси Б. А. рулда ухлаб қолиб, ПАЗ-742 автомашинанинг орқасига бориб урилган.
Натижада Lacetti йўловчилари — 49 ёшли А. А. ва 55 ёшли Б.Ж. воқеа жойида вафот этишди, 31 ёшли ҳайдовчи тан жароҳатлари билан касалхонага ётқизилди.
Ушбу факт бўйича терговга қадар текширув ўтказилмоқда. Маълумот учун, ЙҲХББ Lacetti ҳайдовчиси йил давомида битта қонунбузарлик содир этгани ҳақида хабар беради.
Учкўприк тумани — 1 киши ҳалок бўлди
Сурат: ЙҲХББ.
13 сентябр куни соат 01:45 ларда Фарғона вилояти Учкўприк тумани «Меҳнатобод» маҳалласи ҳудудида, А-373 «Тошкент-Ўш» автомагистралининг 335-кмида, Isuzu юк машинаси ҳайдовчиси (1993) эҳтиётсизлик оқибатида худди шу йўналишда ҳаракатланиб кетаётган велосипедчи Х. Т (1983) ни уриб юборди.
Натижада 37 ёшли Х. Т. жароҳатларидан тиббий муассасада вафот этди.
Ушбу ҳолат бўйича 266-модданинг 2-қисми (транспорт воситалари ҳаракати ёки улардан
фойдаланиш хавфсизлиги қоидаларини бузиш, одам ўлишига олиб келган) билан жиноят иши қўзғатилди.
Қарши тумани — 1 киши вафот этди
Сурат: ЙҲХББ.
13 сентябрь куни соат 01:30 атрофида Қашқадарё вилояти Қарши тумани «Истиқлол» маҳалласи ҳудудидан ўтувчи 4П-92 автомагистралнинг 7-кмида Damas ҳайдовчи (1995) Ф. Ч. йўлни белгиланмаган қисмидан кесиб ўтаётган велосипедчи Ф. Б.ни (1963) уриб юборди.
Натижада 57 ёшли Ф. Б. олган жароҳатларидан касалхонада вафот этди.
Ҳозирда терговга қадар текширув олиб борилмоқда. Маълумот учун: Damas ҳайдовчиси йил давомида битта ҳуқуқбузарлик содир этган.
Наманган — 1 ўлим
Сурат: ЙҲХББ.
13 сентябрь куни соат 21:40 лар атрофида Наманган шаҳрининг Бобуршоҳ кўчасида «Москвич-412» ҳайдовчиси А. А. (1981 й.) автомобилни белгилангандан юқори тезликда бошқариб борар экан, йўлни белгиланмаган жойдан кесиб ўтаётган Р. У.ни (1969 й.) уриб юборган.
Натижада, 51 ёшли пиёда касалхонада вафот этди.
Ушбу ҳолат бўйича 266-модданинг 2-қисми (транспорт воситалари ҳаракати ёки улардан фойдаланиш хавфсизлиги қоидаларини бузиш, одам ўлишига олиб келган) билан жиноят иши қўзғатилди.
