Яқин икки кун давомида Ўзбекистонга Волгабўйи ҳудудидан салқин ҳаво оқими кириб келиши натижасида кундузги ҳарорат 4−6 даражага пасайиб, 26−28 даража иссиқни ташкил қилади. Ҳаво ҳафтанинг иккинчи ярмидагина исий бошлайди, дея хабар берди Ўзгидромет матбуот хизмати.

Республика ҳудудида кечаси ҳарорат 12−17 даража, 8−9 сентябрда кундузи 25−30 даража, 10−12 сентябрда 27−32 даражани ташкил қилади.

Бундай ҳароратлар ойнинг шу даври учун хос бўлган иқлимий меъёрдан 3−6 даражага пастдир, дея таъкидлашди синоптиклар.