Ўзбекистонда аҳоли учун грипп ва пневмонияга қарши эмлаш пунктлари тайёрланмоқда. Бу ҳақда, коронавирусга қарши курашиш штаби аъзоси, эпидемиолог Рустам Икромовнинг берган маълумотларига асосланиб, Daryo хабар берди.
У ҳар йили куз ва қишда ҳаво томчилари орқали юқадиган касалликларнинг кўпаяётгани ҳақида эслатиб ўтди. Бу йил коронавируснинг тарқалишини, шунингдек мавсумий грипп ва пневмонияни ҳисобга олган ҳолда, Рустам Икромов бир неча патоген микроорганизмлар келтириб чиқариши мумкин бўлган, аралаш инфекция касаллик хавфи борлиги ҳақида огоҳлантирди.
«Грипп ва пневмонияни келтириб чиқарувчи вирусли касалликларнинг коронавирус билан биргаликда юзага келиши янада жиддий оқибатларни келтириб чиқаришини тахмин қилишимиз мумкин», — деди эпидемиолог.
Рустам Икромов фуқароларни ваҳимага тушмасликка чақирди ва ҳукумат куз-қиш мавсумига эпидемиологик тайёргарлик кўраётганлигини маълум қилди.
«Давлат даражасида аҳолини грипп ва пневмонияга қарши эмлаш бўйича тайёргарлик ишлари олиб борилмоқда. Вактсиналарни сотиб олиш ва вактсинация пунктларини яратиш бўйича чора-тадбирлар ишлаб чиқилган. Ушбу ишлар сентябрь ойида бошланади», — деди у.
Коронавирусга қарши курашиш штабининг ходими «Газета.uz» га тасдиқлашича, Вазирлар Маҳкамасининг 2018 йил 23 июлдаги (567-сонли) қарори билан, давлат бюджети ҳисобидан бепул эмлаш фақат юқумли касаллик юқиши хавфи юқори бўлган, шу жумладан, меҳрибонлик уйларида, қариялар ва ногиронлар учун «Саховат» пансионатларида, «Мурувват» ногиронлар ва ногирон болалар учун интернат уйларида, болалар шаҳарчалари ва болалар уйларида, шунингдек жисмоний ёки ақлий ривожланишда заифликларга эга бўлган болалар учун ихтисослаштирилган ўқув муассасаларида (мактаблар, интернатлар) яшовчилар учун эканлиги кўзда тутилган.
Унинг сўзларига кўра, агар 2019−2020 йиллар мавсуми давомида гриппга қарши 29,9 минг дозали вакциналар сотиб олинган бўлса, 2020 йил сентябрь-октябрь ойларида ижтимоий муассасаларда яшовчи 38,5 минг кишини эмлаш режалаштирилган. Дори воситалари Соғлиқни сақлаш вазирлиги ҳузуридаги O’zmedimpeks давлат унитар корхонаси томонидан ўтказиладиган тендерлар асосида давлат бюджети маблағлари ҳисобидан сотиб олинади.
Давлат харидлари гриппга қарши вакциналарни сотиб олишнинг ягона манбаи эмас. Бундан ташқари, корхоналар ва ташкилотлар ҳам ўз ходимлари орасида касаллик тарқалишининг олдини олиш учун вакциналар сотиб олинади. Эмлашлар хусусий эмлаш марказларида пуллик тарзда амалга оширилади.
Рустам Икромовнинг маълумотларига кўра, 2019 йилда грипп ва пневмонияга қарши 200−300 минг киши эмланган.
