Массачусетс технология институти (MIT) муҳандислари янги турдаги юз ниқобларини яратишди, дея хабар беради Forbes Russia.
Ишлаб чиқарувчиларнинг таъкидлашича, улар вируслардан N95 респираторлари каби ҳимоя қила олади. Ва шу ўринда янги турдаги ниқобни осон стерилизация қилиш ва кўп маротаба ишлатиш мумкин.
Фото: MIT Twitter
MIT маълумотларига кўра, коронавирус пандемияси сабаб, АҚШда N95 респираторларига талаб, биринчи ўринда, шифокорлар томонидан юқори бўлмоқда. Ушбу ниқоб силикондан тайёрланган бўлиб, уни бутун дунё фабрикалари ишлаб чиқариш мумкин. Ниқоб бардошли ва суюқ ҳолатида ҳар қандай шаклни олиши мумкин.
N95 билан таққосланганда, икки ниқобда бир хил фильтр қўлланилади, фақат силикон ниқоблар камроқ материаллар талаб қилади. Фильтрларни ҳар фойдаланишдан кейин алмаштириш керак, аммо ниқобни ўзини стерилизация қилиб, қайта ишлатиш мумкин.
MIT хабар беришича, аслида шифокорлар ва ҳамширалар ҳар бир бемордан кейин N95 респираторларини алмаштириши керак, аммо ниқоблар етишмаслиги сабабли, ҳамширалар уларни белгиланганидан кўра кўпроқ ишлатишади. Баъзи шифохоналар респираторларни стерилизация қилишади — бу процедура битта ниқоб билан 20 мартагача бажарилиши мумкин, аммо бунинг учун, ҳамма жойда мавжуд бўлмаган, махсус ускуналар керак.
«Талабни қондириш учун биз осон кенгайтирилиши мумкин бўлган вариантлар билан чекланишимиз керак эди. Шунингдек, биз ниқобларни имкон қадар кўп ишлатилишини ва стерилизация қилинишини истадик», — дейди MIT доценти Жованни Траверсо. Энди жамоа тиббий мутахассисларнинг фикр-мулоҳазаларини ҳисобга олган ҳолда ниқобнинг иккинчи версияси устида ишламоқда.
Муҳандислар ишлаб чиқаришни бошлаш, FDA ҳамда Касбий хавфсизлик ва соғлиқни сақлаш миллий институтини розилигини олиш учун учун компанияни рўйхатдан ўтказадилар.
