Номаълум шахслар Илон Маск, Билл Гейтс, Уоррен Баффет, Барак Обама, Канье Уэст, Binance раҳбари Чанпэн Чжао, Apple, Uber ва бошқа 50 дан ортиқ расмий саҳифаларга кириб, ёлғон хабарлар тарқатган, дея хабар беради VC.ru.
Компания ва расмий шахслар аккаунтлари орқали улар бир неча минг биткоин тарқатилаётгани ҳақида ёлғон эълонлар қолдиришган: белгиланган онлайн-ҳамёнга маълум суммани юборган шахс, уни икки баравар қилиб совға тариқасида қайтариб олиши ваъда қилинган.
Тошкент вақти билан 03:00, 16 июльга келиб, бу усул билан фирибгарлар 100 000 доллардан ортиқ, ёки биткоин эквивалентида, 12 BTC ишлашган ва бу фақат ҳамёнлардан бирининг статистикаси.
«Twitter`да бизлар учун оғир кун бўлди. Бўлиб ўтган воқеалардан ҳаммамиз ўзимизни ёмон ҳис қиляпмиз» — дейди Жек Дорси, Twitter асосчиси.
Шунингдек, фирибгарлар Apple, Uber каби компанияларнинг саҳифасида ҳам ёлғон хабарлар қолдирди. Жойланган «твитлар» аксарияти ўчирилиб, янгидан пайдо бўлган.
Фото: vc.ru.
Кейинчалик, тасдиқланган расмий саҳифалар муаллифлари учун эълон ва хабарлар қолдириш имкони вақтинчалик чеклаб қўйилди.
Twitter компаниясининг хабар беришича, ҳужум ички тизим ва ресурсларга кириш ҳуқуқига эга компания ходимларини ижтимоий инжиниринг ёрдамида чалғитиб, амалга оширилган. Бу воситалар ёрдамида фирибгарлар Twitter-саҳифаларга кириб ёлғон хабар қолдирган.
Компания томонидан барча хабар ва эълонлар ўчирилган, саҳифалар эса вақтинчалик чеклаб қўйилган. Суриштирув ишлари тугагач, компания тўлиқроқ маълумот беришни ваъда қилди.
Фото: vc.ru
Шунингдек, бу ҳодиса сабабли Twitter компаниясининг акциялари 4% га тушди. Хабарларда айтилишича, ҳужум уйиштиришда Twitter нинг айнан аутентификация (авторизация, кириш) тизимига ҳужум уюштирилган ва бу фирибгарларга аккаунтларга уларни логин ва паролини билмаган ҳолда кириш имконини берган.
