Комил Алламжонов ўзининг Telegram каналида коронавирусга чалинганини ва 12 кундан бери ушбу касалликдан уйдан туриб даволанаётганини маълум қилди.
Алламжонов унда бир неча кун аввал ҳарорати кўтарилиши, ҳолсизлик сезилгани ва топширган коронавирусга карши тест таҳлил натижалари ижобий чиққанини айтиб ўтади. Шу билан бирга, К. Алламжонов унда пайдо бўлган енгил формали коронавирус инфекциясини 12 кун давомида шифокорлар томонидан қандай даволагани ҳақида айтиб беради.
«Бундан бир неча кун олдин менда ҳарорат кўтарилиши ва ҳолсизлик сезилди. Кейин тест топшириб кўрсам, менда коронавирус инфекцияси борлиги аниқланди. Шифокорларнинг ташҳисига асосан менда енгил формали коронавирус кечаётганини айтишди», — дея маълум қилди Комил Алламжонов.
Ҳозирда (касалликнинг 12 куни) у ўзини яхши ҳис қилаётганини, йўталланиши ва ҳарорати кўтарилиши тўхтаганини маълум қилди.
Шунингдек, видеода Алламжонов барча юртдошларни коронавирус белгилари пайдо бўлганда, уйда ўз бошимча даволанишдан тийилиб, шифокорларга мурожаат қилишга чақирди.
«Агарда менда коронавирус инфекцияси бўлмаганида, мен шамолладим, деб тушунган бўлардим. Энг асосий янглишиб қолмаслгимиз керак бўлган нарса шуки, „шамолладим“, деб ўйлаб, шамоллашга қарши барча муолажаларни ва керак-керакмас капельницаларни олиб, зарар келтириб қўйманг. Фақат шифокор маслаҳати билан бўлгани яхши», — дея таъкидлади у.
