Тошкент шаҳрида коронавирус билан касалланган 50 ёшли аёл вафот этди. Бу ҳақда Соғлиқни сақлаш вазирлиги матбуот хизмати хабар берди.
Миробод туманида яшовчи фуқаро 3 июлдан 9 июлгача уй шароитида даволаниб келган. Нафас етишмовчилиги белгилари кучайгач, 1-сон шаҳар клиник шифохонасига ётқизилган ва сунъий нафас олиш аппарати билан боғланган.
Аёлга COVID-19 инфекцияси оғир кечиши, икки томонлама пневмония ташхиси қўйилган. Шунингдек, юрак ишемик касаллиги, илк аниқланган қандли диабет ҳамроҳ касалликлари билан ҳам оғриган. Бир йил олдин беморда онкологик касаллик аниқланган.
Шифокорлар томонидан стандартлар асосида ўтказилган реанимацион муолажаларга қарамасдан беморнинг аҳволи кескин оғирлашиб, ўткир юрак қон-томир ва нафас етишмовчилигидан вафот этди.
Бу мамлакатда коронавирус билан касалланган беморлар орасида қайд этилган 55-ўлим ҳолати.
