Ҳазорасп туманидаги мактаб ўқитувчиси С.Д. фуқаро С.нинг қизини танишлари орқали олий уқув юртига ўқишга киритиб қўйиш эвазига 6 минг долларни олган вақтида ашёвий далил билан ушланди, дея хабар қилди Бош прокуратура матбуот хизмати.
Ушбу ҳолат бўйича С.Д.нинг кўрсатувларига асосан Бош прокуратура ҳузуридаги Департаментнинг Ҳазорасп туман бўлими томонидан ўтказилган тезкор тадбир Тошкент шаҳрида давом эттирилди. Унда Ўзбекистон давлат жисмоний тарбия ва спорт университети ўқитувчиси Л.С. хоразмлик С.Д.дан фуқаро С.нинг қизини ушбу университетга танишлари орқали ўқишга киритиб беришни ваъда қилиб, эвазига 3,5 минг долларни олган вақтида ашёвий далил билан ушланган.
Мазкур ҳолатлар юзасидан С.Д. ва Л.С.га нисбатан Жиноят кодексининг 168-моддаси ва 28, 211-моддаси билан жиноят ишлари қўзғатилиб, тергов ҳаракатлари ўтказилмоқда.
