Telegram desktop мессенжерининг 6.3 бета-версиясида мультиаккаунт — бир иловада учтагача шахсий профиль ишлатиш имкони пайдо бўлди. Аввал бу функция фақатгина мобиль қурилмалар учун мавжуд эди.

Telegram desktop — Telegram мессенжерининг компьютерларда ишлаш учун мослашган версияси.

Бета-версияни Telegram desktop нинг барча фойдаланувчилари синовдан ўтказиб кўришлари мумкин. Буни икки йўл билан амалга оширса бўлади.

Расмий сайтдан бета-версияни юклаб олиш. Компьютер учун бета-версия мессенжернинг расмий сайтида жойлашган ва уни исталган киши юклаб олиши мумкин.

Бета-версия жойлашган Telegram мессенжерининг расмий веб-сайти.

Ўрнатилган Telegram Desktop иловаси орқали янгилаш. Хоҳловчилар бета-версияни алоҳида юклаб олмасдан илова ичида ўрнатишлари мумкин. Бунинг учун «Настройки» («Созламалар») — «Продвинутые настройки» («Чуқур созламалар») — «Версия и обновления» («Версиялар ва янгиланишлар») — «Устанавливать бета-версии» («Бета-версияларни ўрнатиш») функциясини ёқиш керак. Кейин илова автоматик тарзда янгиланади.

Telegram desktop beta мультиаккаунт намунаси.