Ҳиндистоннинг жанубидаги Карнатака штатида COVID-19дан вафот этганлар жасадларининги чуқурларга улоқтирилгани акс этган видеоёзув тарқалди. Жамоатчиликнинг қизғин норозилигига сабаб бўлган ҳолат юзасидан расмийлар узр сўради. Бу ҳақда BBC хабар берди.
Штатнинг Беллари туманидаги давлат амалдорлари бу тасвирлар ҳақиқий эканлигини тасдиқладилар ва оилалардан узр сўрашди.
Жасадлар бир неча кун олдин COVID-19 дан вафот этган саккиз кишига тегишли бўлган.
Карнатакада COVID-19 сабаб 246 нафардан ортиқ инсон оламдан ўтди. Бундай кўрсаткичларга қарамай, ушбу штат касалликка қарши самарали кураша олаётган ҳудудлардан бири ҳисобланади.
«Биз вафот этганларнинг оилаларидан узр сўраган ҳолда хат юбордик. Биз бундан жуда хафа бўлдик ва жуда афсусдамиз. Биз жасадга бундай муносабат қилинишини оқлай олмаймиз» — деди туман юқори амалдорларидан бири СС.Накула.
Унинг сўзларига кўра, видеодаги эркаклар жамоатчилик ишларидан олиб ташланган ва уларнинг ўрнига жасадларга билан виждонан ёндашадиган бошқа гуруҳ пайдо бўлади.
Ҳиндистонда COVID-19 жуда катта кўрқув уйғотган. Одамлар ушбу касалликка чалинган одамлардан қочишмоқда, тиббий ходимлар касалликдан вафот этган инсонлар жасадига тегишдан қўрққанлари сабаб таналар кўп ҳолларда ташлаб қўйилмоқда.
Ҳиндистонда тасдиқланган ҳолатлар сони 600 мингдан ошган ва мамлакат ушбу кўрсаткич бўйича дунёда тўртинчи ўринда турибди.
